Sanchia Brandenburg (voorskoolse onderwyseres) oor haar seun Tyler (3): My seun Tyler het sy EasiRider balans-fiets kort na sy tweede verjaardag ontvang.  Omdat die raamwerk baie lig is, was hy in staat om dit binne ’n kort tydjie te beheer.  Hoewel sy voete net-net die grond geraak het, kon hy tog gemaklik ry.  Tans het hy dit vir meer as ’n jaar.  Hy put ure van genot daaruit, en daarby saam het sy balans en koördinasie geweldig verbeter.  In Desember 2009 het Tyler op die ouderdom van 3½ jaar ’n twee wiel pedaal-fiets aangedurf, en dit binne ’n uur  baasgeraak.

Bevereley Bughardt vertel van haar dogter Isabelle (5): Isabelle het nie net oneindig baie genot uit die EasiRider geput nie, haar selfvertroue het ook gestyg.  Aanvanklik het sy gesukkel, maar nou baljaar sy oraloor.  Die EasiRider is ook baie gewild onder die kinders na wie ek omsien; hulle het almal daarby gebaat en beter balans aangeleer.  Nou sien ek uit daarna dat my 18 maande-oue kleuter die EasiRider leer ry!

Yvonne Davids sê die volgende van haar seun Alessandro (2½ jaar oud): Hy geniet sy EasiRider terdeë; hy is definitief meer selfversekerd en het in ’n bobaasryer ontpop.